ՀԱՅԱՍՏԱՆԻ ՕՊԵՐԱՅԻ ԵՎ ԲԱԼԵՏԻ ԱԶԳԱՅԻՆ ԹԱՏՐՈՆ
2024-2025
ԽԱՂԱՑԱՆԿ
Հայ ազգի հպարտությունը՝ Օպերային թատրոնը, գտնվում է մայրաքաղաք Երևանի սրտում։
.jpeg "Մենահամերգ դաշնամուր. Միխայիլ Պլետնյով")
2024-2025
Նորություններ
ՎԱՐՊԵՏՈՒԹՅԱՆ ԴԱՍԸՆԹԱՑ ԵՐԻՏԱՍԱՐԴ ԴԻՐԻԺՈՐՆԵՐԻ ՀԱՄԱՐ
Ալեքսանդր Սպենդիարյանի օպերայի եւ բալետի ազգային ակադեմիական թատրոնը հրավիրում է երիտասարդ պրոֆեսիոնալ դիրիժորներին մասնակցել բացառիկ վարպետության դասընթացների։ Դասընթացները վարելու է անվանի դիրիժոր, Սանկտ Պետերբուրգի կոնսերվատորիայի պրոֆեսոր Ալեքսանդր Պոլիշչուկը։
Ծրագիրը ներառելու է 3-շաբաթյա վարպետության դասեր՝ ուղղված դիրիժորների մասնագիտական կարողությունների կատարելագործմանը եւ զարգացմանը։ Դասընթացները նվիրված են դիրիժորական տեխնիկայի հիմնական հնարքներին ու արտահայտչական միջոցներին, ներառում են ժամանակակից լուծումներ եւ հիմնված են առաջատար լավագույն փորձի վրա։
Առաջին շաբաթվա դասընթացներին հնարավորություն կունենան մասնակցել միայն հայաստանաբնակ դիրիժորները։ Ընտրված մասնակիցների ֆինանսավորումը կհոգա Օպերային թատրոնը։ Դասընթացների արդյունքում կընտրվեն մասնակիցներ, որոնք հնարավորություն կունենան շարունակելու իրենց գործունեությունն Օպերային թատրոնի նվագախմբում։
Դասընթացների 2-րդ եւ 3-րդ շաբաթներին Օպերային թատրոնը հրավիրում է դիրիժորների ամբողջ աշխարհից մասնակցելու մաեստրո Պոլիշչուկի վարպետության դասընթացներին։
Դասընթացների ծրագիրը՝
1-ին շաբաթ (24.01.2025 - 29.01.2025)
Բեթհովեն – Սիմֆոնիա թիվ 1, 2
Մոցարտ – Սիմֆոնիա 39
2-րդ շաբաթ (31.01.2025 – 05.02.2025)
Բեթհովեն – Սիմֆոնիա թիվ 5
Բրամս – Սիմֆոնիա թիվ 1
Դեբյուսի – Պրելյուդ «Պրելյուդ Ֆավնի հետկեսօրյա հանգստի թեմայով»
Վերդի – Սիմֆոնիա «Ճակատագրի ուժը»
3-րդ շաբաթ (07.02.2025 – 12.02.2025)
Ծրագրում՝
Ստրավինսկի – «Սրբազան գարուն»
Մոցարտ – Սիմֆոնիա թիվ 38 KV504 «Պրահա»
Մասնակցության համար անհրաժեշտ է ներկայացնել
- Ինքնակենսագրական СV
- 1 տեսանյութ, որտեղ մասնակիցը ղեկավարում է նվագախումբը (առավելագույնը 15 րոպե)
- Կատարած ներկայացումների խաղացանկ
Մասնակցության համար դիմումներն ուղարկել՝ [email protected]:
Հայտերի ներկայացման վերջնաժամկետը՝ 20 հունվարի, 2025թ։
Դասընթացների լեզուն՝ անգլերեն, ռուսերեն։
Տեղերը խիստ սահմանափակ են։
Ալեքսանդր Պոլիշչուկն ուսանել է Սանկտ Պետերբուրգում՝ հայտնի դիրիժոր, պրոֆեսոր Իլյա Մուսինի ղեկավարությամբ։ 1993 թվականից դասընթացներ է վարում Ստոկհոլմի Թագավորական ակադեմիայում, Ֆինլանդիայում, Շոտլանդիայում, Սինգապուրում, Պորտուգալիայում, Չինաստանում, Շվեդիայում, Ավստրիայում, Ռուսաստանում եւ ԱՄՆ-ում։ Նրա ուսանողներն են հայտնի դիրիժորներ Տուգան Սոխիյեվը, Դարրել Անգը, Կահ Չուն Վոնգը, Միխայիլ Թաթարնիկովը։
Ավելին մաեստրո Պոլիշչուկի գործունեության մասին՝ http://alexander-polishchuk.com/:
