Բացահայտեք թատրոնը
Նայեք բեմից այն կողմ
Ալ. Սպենդիարյանի անվան օպերայի և բալետի ազգային ակադեմիական
թատրոնն իր տասնամյակների պատմությամբ և ավանդույթներով այսօր
ներկայանում է նոր ձևաչափով։
Այժմ թատրոն կարելի է այցելել ոչ միայն ներկայացումներ դիտելու,
այլև հատուկ շրջայցի մասնակցելու համար։ «ՕՊԵՐԱ ՏՈՒՐ» ծրագրի
ընթացքում այցելուները կտեսնեն թատրոնի դահլիճները, կուլիսները,
երևանյան գեղեցիկ տեսարաններով պատշգամբները և արտադրական
արվեստանոցները։
Շրջայցի ընթացքում նախատեսվում են նաև հանդիպումներ թատրոնի
սիրված արտիստների և աշխատակիցների հետ։ Սա բացառիկ հնարավորություն
է մոտիկից ճանաչելու Երևանի սրտում գտնվող ճարտարապետական այս
գլուխգործոցը։
Շրջայցերն անցկացվում են տարբեր լեզուներով։ Մեկ խմբում կարող է
լինել նվազագույնը 10 և առավելագույնը 25 մասնակից։
